News and Entertainment

బాలయ్య నట విశ్వరూపం శాతకర్ణి ఫస్ట్ లుక్


నటసింహం నందమూరి బాలకృష్ణ తన పుట్టినరోజు (జూన్ 10) సందర్భంగా అభిమానులకు ఒక రోజు ముందే దిమ్మతిరిగిపోయే గిఫ్ట్ అందించారు. తన ప్రతిష్టాత్మక వందో చిత్రం ‘గౌతమీపుత్ర శాతకర్ణి’కి సంబంధించి అదిరిపోయే ఫస్ట్‌లుక్‌ పోస్టర్‌ని విడుదల చేశారు. ఈ పోస్టర్ ఎంతో అద్భుతంగా ఉందంటే.. చూసే ప్రతిఒక్కరి రోమాలు నిక్కబొడుచుకుంటాయి. అంతలా ఈ పోస్టర్‌ని డిజైన్ చేయించాడు డైరెక్టర్ క్రిష్.


బాలయ్యకు పుట్టినరోజు శుభాకాంక్షలు తెలుపుతూ యూనిట్ రిలీజ్ చేసిన ఈ పోస్టర్‌లో ఆయన గెటప్ సూపర్బ్. వందలాదిమంది సైనికులు బ్యాక్‌డ్రాప్‌లో ఉండగా.. రణరంగంలో పోరాడుతున్న ఉగ్రరూప శాతకర్ణి క్యారెక్టర్‌లో బాలయ్యని చూపించిన విధానాన్ని మెచ్చుకోవచ్చు. చూడబోతే.. క్రిష్ తాను ఓ ఇంటర్వ్యూలో చెప్పినట్లుగానే తనలో దాగిన మరో విశ్వరూపాన్ని ఈ సినిమా ద్వారా చూపించబోతున్నట్లు కనిపిస్తోంది. ‘శాతకర్ణి’ సినిమాలో తమ అభిమాన నటుడి గెటప్ ఎలా ఉండబోతుందని భావించిన నందమూరి ఫ్యాన్స్‌కి క్రిష్ బాలయ్య బర్త్‌డే కానుకగా అద్భుతమైన గిఫ్టునే అందించాడని చెప్పుకోవచ్చు.



లేటెస్ట్ అప్డేట్స్ కోసం FB పేజ్ లైక్ చేయండి


loading...