News and Entertainment

ఆడవాళ్లకు ఎక్కువగా వచ్చే కల ఏదంటే!


పోలిస్తే మహిళలకు ఎక్కువగా కలలు వస్తుంటాయి. వారికి ఎక్కువ కలలు రావడమే కాదు.. వచ్చిన కలలు కూడా మానసికంగా తీవ్ర ప్రభావం కలిగించేలా చెడు కలలై ఉంటాయట. దీంతో వారు తీవ్ర ఆందోళనకు గురవుతారట. భాగస్వామి తమను మోసం చేసినట్లుగా ఆడవాళ్లు ఎక్కువగా కలగంటారట. ఇది మేం చెబుతున్నది కాదు అమెరికాకు చెందిన అమెరిస్లీప్ అనే సంస్థ నిర్వహించిన అధ్యయనంలో ఈ విషయం వెల్లడైంది. వారు రెండు వేల మందిపై అధ్యయనం చేసి మరీ కొన్ని విషయాలను వెల్లడించారు. అవేంటంటే..

భర్త తమను మోసం చేశాడని కలగనడంతోపాటు నోట్లోని దంతాలు ఊడిపోయినట్లు, ఎవరో తమను వెంటాడుతున్నట్లు, సాలెపురుగులను చూస్తున్నట్లు ఆడవాళ్లకు కలలు వస్తాయట. ప్రిపేర్ కాకుండానే పరీక్ష రాస్తున్నట్టు కూడా వారు కలగంటారట. సగం మందికిపైగా ఆడవాళ్లకు ఎవరో తరుముతున్నట్లు కలలు వస్తాయని తేలింది. ఆందోళన వల్ల కలలు వస్తాయని, మహిళల్లో ఆందోళన ఎక్కువగా ఉండటంతో ఇలాంటి కలలు వస్తాయని ఆ అధ్యయనం తేల్చింది.


మగాళ్ల విషయానికి వస్తే.. మనకు ఇలాంటి భయంగొల్పే కలలేం రావండి. ఏంచక్కా గాల్లో ఎగురుతున్నట్లు, అందమైన అపరిచిత వ్యక్తిని (అమ్మాయే అని చెప్పనక్కర్లేదుగా) కలిసినట్టు.. లేదంటే డబ్బు దొరికినట్టు మనకు కలలు వస్తాయట. మరి మాకు అలాంటివేమీ గుర్తుకు లేవే అంటారా? అది మీ తప్పు కాదు.. మగాళ్లలో 14 శాతం మందికే కలలు గుర్తుంటుండగా ఆడవాళ్లలో 24 శాతం మంది తమకు వచ్చిన కలను గుర్తుంచుకుంటారట. బ్యాడ్ లక్ కాకపోతే భయంకరమైన కలలను వాళ్లు గుర్తుంచుకోవడం ఏమిటి? అందమైన కలలు వచ్చినా.. మనం మర్చిపోవడం ఏమిటి చెప్పండి.

loading...