News and Entertainment

సమాధి నుండి అమ్మ మృతదేహాన్ని బయటకు తీయబోతున్నారు ఎందుకో తెలుసా..?


తమిళనాడు దివంగత సీఎం జయలలిత మృతిపై అనుమానాలు వ్యక్తం చేసింది మద్రాస్ హైకోర్టు. 75రోజుల పాటు ఆసుపత్రిలో చికిత్స పొందిన ఆమె డిసెంబర్ 5న చనిపోయిన సంగతి తెలిసిందే. చికిత్స సమయంలో తర్వలోనే డిశ్చార్జి అవుతారని ఆసుపత్రి వర్గాలు చెప్పిన కొద్దిరోజులకే అమ్మ మృతి చెందడం అనుమానాలకు తావిస్తోందని న్యాయస్థానం పేర్కొంది.

ఈ విషయంపై స్పందించాలని, పరీక్షల నిమిత్తం జయ మృతదేహాన్ని వెలికి తీయాలని ఎందుకు ఆదేశించకూడదో చెప్పాలని ప్రధానమంత్రి సహా కేంద్ర రాష్ట్ర ప్రభుత్వాలకు మద్రాస్ హైకోర్టు నోటీసులు జారీ చేసింది. తదుపరి విచారణను జనవరి 9కి వాయిదా వేసింది. అమ్మ మృతికి కారణాలు తెలిపేలా విచారణకు ఆదేశించాలని అన్నాడీఎంకే కార్యకర్త పీఏ జోసెఫ్ దాఖలు చేసిన ప్రజాప్రయోజన వ్యాజ్యంపై ఏర్పడ్డ జస్టిస్ ఎస్. వైద్యనాధన్, జస్టిస్ పార్ధిబన్ ల ధర్మాసనం విచారణ చేపట్టింది.

జయలలిత చికిత్స పొందేసమయంలో కోలుకొని ఆసుపత్రిలోనే పలువురితో సమావేశమైన ఫొటోలు దినపత్రికల్లో చూశాం. అలాంటి సమయంలోనే ఆకస్మికంగా చనిపోయారు. అని ధర్మాసనం అనుమానం వ్యక్తం చేసింది. ఆమె మరణానికి సంబంధించిన కారణాలేంటీ? ప్రభుత్వ అధికారులు కూడా ఆమె ఎందుకు శవానికి పంచనామా నిర్వహించలేదని ధర్మాసనం ప్రశ్నించింది. 1980లలో అప్పటి తమిళనాడు సీఎం ఎంఆర్ చికిత్స తీసుకుంటున్నప్పుడు ఆయనకు సంబంధించి వీడియోలు, ఫొటోలు ప్రభుత్వం విడుదల చేసిందని, జయ విషయంలో అలా జరగలేదని దుయ్యబట్టింది. అమ్మ మృతిపై దాఖలు చేసిన మరో పిల్ పై జనవరి 4న విచారణ జరుగనుండగా, మరో వ్యాజ్యంపై రేపు సుప్రీంకోర్టులో విచారణ జరుగనుంది. ‘అమ్మ’ పార్దీవదేహాన్ని వెలికితీయలేమా?