loading...
Guppedantha Manasu Today Full Episode Apr-02
అంకితం చేస్తున్నా అంటూ రిషి ప్రకటించాడు. దాంతో కథనం రసవత్తరంగా మారింది.
413వ ఎపిసోడ్‌ హైలైట్స్..
దేవయాని రగిలిపోతూ.. కాలేజ్‌లోనే రిషి, ఫణేంద్రల ముందు పంచాయితీ పెడుతుంది. ‘ఇన్నిరోజులు చెడ్డదైన జగతి ఒక్కసారి మంచిది ఎలా అయిపోతుంది. నిన్ను చూసుకున్నది నేను పెంచింది నేను’ అంటూ రిషిని ఎమోషనల్‌గా మార్చాలని ప్రయత్నిస్తుంది. అయితే రిషి.. ‘పెద్దమ్మా ఇలా కూర్చోండి.. ప్లీజ్ నా మాట వినండి.. ఇది కాలేజ్ వరకే పెద్దమ్మా.. ఆమె నాకు ఎప్పటికీ జగతి మేడమ్మే’ అంటూ నచ్చజెప్పే ప్రయత్నం చేస్తాడు. అయితే దేవయాని.. ‘నాకు అంతా తెలియదు.. నా మనసు మీలా అది వేరు ఇది వేరు అనుకోలేదు’అంటూ అలిగి అక్కడ నుంచి కోపంగా వెళ్లిపోతుంది. ‘పెద్దమ్మా పెద్దమ్మా’ అంటూ వెనుకే వెళ్లబోతున్న రిషిని.. ఫణేంద్ర ఆపుతాడు. ‘రిషి నేను చూసుకుంటానులే’ అంటూ ఫణేంద్ర వెళ్లాడు దేవయాని వెనుకే.
సీన్ కట్ చేస్తే.. వసు, గౌతమ్‌లు హ్యాపీగా ఉంటారు. రిషి నిర్ణయాన్ని పొగుడుకుంటారు. మనం దీన్ని సెలబ్రేట్ చేసుకోవాలి వసుధరా అంటూ బయటికి తీసుకుని వెళ్లాలని గౌతమ్ ప్లాన్ చేసుకుంటూ ఉంటే.. రిషి మెసేజ్ చేస్తాడు. ‘పెద్దమ్మని పెదనాన్నగారిని ఇంటికి తీసుకుని వెళ్లు’ అని. దాంతో గౌతమ్ ప్లాన్ బెడిసికొడుతుంది. ఇక మహేంద్ర, జగతిలు ఇంటికి వెళ్తూ రిషి నిర్ణయం గురించే మాట్లాడుకుంటారు. ‘రిషి ఈ విషయంలో ఎంత నలిగిపోయి ఉంటాడో.. ఆ నిర్ణయం తీసుకోవడానికి ఎంత బాధపడి ఉంటాడో’ అని జగతి బాధపడుతుంటే.. మహేంద్రతో అంటే.. ‘రిషి బాధపడుతున్నాడని నువ్వు అనుకుంటున్నావ్.. కానీ తనని తాను తెలుసుకుంటున్నాడని నేను అనుకుంటున్నాను..’ అంటూ ఎక్కువగా ఆలోచించొద్దు అంటూ నచ్చజెబుతాడు.
ఇక గౌతమ్ వెళ్లిన కాసేపటికి.. రిషి కిందకి వస్తాడు. వసుని చూసి కోపంగా వెళ్లిపోతూ ఉంటాడు. మొత్తానికీ రిషికి వసు సారీ చెబుతుంది. మిమ్మల్ని తప్పుగా అర్థం చేసుకున్నాను.. సారీ సార్..’ అంటూ మొత్తానికి అచ్చిక బుచ్చికలు ఆడి రిషిని కూల్ చేస్తుంది. వెంటనే మీరు నాతో రావాల్సిందే అంటూ ఒక చోటకి తీసుకుని వెళ్తుంది. అక్కడ వసు విజిల్ వేయగానే.. చాలా మంది జనం.. హోలీ రంగులతో గుమి గూడతారు. రిషి ఆశ్చర్యం నుంచి బయటికి రాకముందే.. రంగులు పూస్తుంది. దాంతో రిషి వసుని పరుగెత్తించి రంగులు పూస్తాడు. అప్పుడే ఇద్దరి మధ్య రొమాన్స్ హీటెక్కిస్తాయి.
